Ol manmeri i kros pait long Jayapura

Wanpela meri husait i save wok long redio na TV long kantri Hennah Joku I wari olsem ol wanpisin bilong em long Sentani, Jayapura i ken bungim birua long wanem bikpela pait i wok long kamap long hap.

Yu ken draiv long kar long wan aua tasol lusim ples Wutung long West Sepik na go long Jayapura.

Dispela pait i stap klostu olsem wan wik nau.

Ol manmeri long West Papua husait em ol Melanesia manmeri i autim bel hevi olsem ol i laikim indipendens na ino ken moa stap aninit long Indonesia.

Ol manmeri i stat mekim dispela kros pait bihain long August 17 indipendens hamamas bilong Indonesia we sampela West Papua lain ino laik stap insait.

Na ripot i tok wanpela man i bagarapim ol na tok ol i luk olsem dispela enimol monki.

Dispela i kirapim bikpela kros long bruk lus na pait i kamap tu long Jayapura.

Ol manmeri i kukim na bagarapim ol kar na haus.

Long tete ol i tok pait i wok long go bikpela.

Indonesia i salim sampela moa ami na polis igo long Jayapura pinis.

Sampela man i wari nogut ol ami na polis I bagarapim ol man na kilim ol olsem bipo ol i mekim long Is Timor.

Hennah Joku I wari tru nogut ol wanpisin bilong em I kisim bagarap.

Papa bilong em Franz Albert Joku bipo i save wok long PNG gavman.

Gavman ino givim wanpela tok lukaut yet long ol manmeri bilong PNG tasol planti manmeri i save go i kam long Jayapura long wok business o long lukim ol wanpisin.

NCD Gavana Powes Pakop i bin tokim EMTV dispela ol pait i soim olsem olgeta man i mas vote gen olsem ol i laikĀ  stap aninit long Indonesia o nogat na olgeta man i mas vot.

Ino kain olsem bipo ol i makim wanwan man tasol.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.