Central provins bai kirapim wok didiman

Gavana bilong Central province Robert Agarobe i sainim wanpela pepa wantaim sekreteri bilong provins Mindanao long Filipins, Emanuel Pinol long kirapim wok didiman long provins.

Mr Agarobe i tok Central provins bai lukluk long planim wanpela lain kes krop long wanwan distrik.

Long Abau bai ol i sapotim wok bilong kakao, Rigo ol bai lukautim ol abus olsem pig na kau na long Kairuku Hiri ol bai planim rais.

Long Goillala em ples i kol na nais long kirapim gen wok bilong kofi.

Praim minista James Marape i bin stap tu long taim ol i sainim pepa.

Mr Agarobe i tok ol bai wok nau long kirapim wok didiman.

Taim em i bin kempen long eleksen long 2017 em i bin strong long kirapim wok didiman na ol man long ples i ken kisim mani long kirapim sindaun bilong ol yet.


Leave a Reply

You cannot copy content of this page

error: Content is protected !!
%d bloggers like this: