- National Coordination Office for Bougainville Director dies - March 8, 2021
- A bit of humour by Sir Michael with Australia - March 5, 2021
- Sir Michael Somare launches Helifix Maintenance Facility and leaves an imprint - March 4, 2021
Gavman bilong James Marape i pasim tok pinis na ol bai sasim ol timba kampani long baim 59 pesen takis igo long gavman taim ol i putim ol diwai bilong yumi long sip na karim igo ovasis.
Bifo ol kampani i save baim tasol 32.5 pesen.
Dispela bai i wok taim PNG Kastams i putim aut wanpela toksave pepa.
Dispela ol kampani i save katim diwai i ino hamamas olsem dispela bai i mekim ol i baim traipela mani na ol i ken pasim bisnis bilong ol.
Ol i tok tu olsem ol papa graun bai ino kisim gutpela royolti mani.
Tasol Forest Minista Solan Mirim na PNG Forest Atoriti boss Tunou Sabuin i mekim strongpela toktok dispela wik olsem gavman bai igo het na sasim dispela niupela takis.
Sabuin i tok aut tu olsem planti taim bipo em ol kampani bilong katim diwai i save mekim planti mani, nau em taim bilong gavman na papa graun.
Em i tok tu olsem maski sapos ol kampani i tok ol bai lusim kantri long dispela niupela takis, em bai no inap kamap.
Sabuin i tok planti taim bipo ol i tok long go tasol ol ino go.
Minista Mirisim i laikim ol papa graun i mas ripot long PNGFA opis sapos ol kampani i ronowe bikos long niupela takis ya.
Dispela bai soim husait tru i gutpela kampani long wok wantaim na husait em ol ino gutpela kampani.
Wantaim niupela takis, gavman nau i lukluk long kamapim mani olsem K 400 igo long K 450 million long wanwan ya.
Forest by TL
English