Oposisen i wok long pait yet long rausim gavman bilong James Marape

Long tete moning oposisen lida Belden Namah i givim notis pepa igo long Spika

Long tete moning oposisen lida na memba bilong Vanimo Green River Open Belden Namah i givim notis igo long Palamen Spika Job Pomat olsem ol bai muvim mosen long vot na rausim Marape olsem Praim Minista.

Maski planti man i tok em i sotpela taim tasol bipo long narapela ileksen, oposisen i ting planti samting long sait bilong mani ino stap gut.

Ripot nau i tok oposisen i putim nau nem bilong bipo Praim Minister Peter O’Neill bai resis long rausim James Marape.

Bipo em nem bilong Aitape Lumi MP Patrick Pruaitch i istap long pepa tasol em i muv igo bek long gavman na join wantaim ol narapela memba bilong Nesenel Alaiens Pati.

Long 2019, Marape i bin rausim Peter O’Neill tu long wanpela vot ino gat bilip.

Ol mameri i wok long lukluk nau sapos dispela vot ino gat bilip bai kamap.

Long aste insait long Palamen, Peter O’Neill i askim man husait i lukautim mani bilong kantri Ian Ling-Stuckey ol i yusim K5 billion kina bilong Covid-19 olsem wanem na sapos em i nap toksave long mani sait bilong kantri i olsem wanem.

READ  Sip Jastis i laikim ol loya long stretim kot pepa hariap

Planti man i ting Ling-Stuckey ino bekim gut ol i yusim mani bilong Covid-19 olsem wanem.

Long nau yet ino gat ripot i kam aut maski ol i bin tok bai ol i redim dispela mani ripot na tok aut long Palament.


Be the first to comment