Polis i holim pasim tupela man i stilim mani na pistol bilong Gavana

Polis long Lae Siti i holim pasim tupela man husait i bin stilim K20,000 na wanpela pistol blong Gavana bilong Simbu Michael Dua.

Bos bilong polis long Lae, Chris Kunyanban i tok polis i bin holim dispela tupela man long Sande.

Krismas bilong tupela man ya em 18 na 27 na tupela i save stap long Erima long Pot Mosbi.

Tupela i bin ronowe igo long Lae bihain ol ol i kamapim hevi long Pot Mosbi.

Ol bai kisim tupela i kam bek long Pot Mosbi na sasim ol.

Kunyanban i tok tenk yu long ol man na meri long Lae husait i helpim polis long holim pasim dispela tupela man.

 

 


READ  PNG Kumuls bai pilai ragby wantaim ol Britis Laions

Be the first to comment