Praim Minista i makim niupela man bilong was long mani bilong kantri

Bipo Nesenel Plening na Monitaring Minister Richard Maru i lusim wok bilong em olsem minista.

Praim Minista James Marape i makim Memba bilong Bulolo Sam Basil long kisim wok bilong em.

Na igat niupela man husait i Memba bilong Kavieng, Ian Ling-Stuckey i kamap olsem treasurer, man bilong was long mani bilong kantri.

Mr Ling-Stuckey i memba bilong National Alliance Party na i bin stap long oposisen bipo long Praim Minista i makim em long kamap minista.

Dispela senis i kamap tete moning long Pot Mosbi na ol i bin mekim tok promis long holim dispela ol wok long ai bilong Gavana Generol.

Praim Minista James Marape i tok tu olsem em i rausim Richard Maru long wanem em i makim People’s National Congress party na dispela pati i ken bagarapim ol plen bilong em long mekim wok kamap.

Em i tok ol memba bilong PNC pati nau bai i mas go long opposition tasol sapos ol i laik stap long gavman, ol i mas i mas lusim pati.

Long wankain taim Praim Minista i tok hamamas olsem sikispela memba bilong oposisen bai joinim gavman bilong em.

Palamen bai sindaun gen long 2 kilok tete apinun.

DSC_1893 (2)