Sip Jastis i laikim ol loya long stretim kot pepa hariap

• Author
• Recent Posts

Elias Nanau

Multimedia journalist passionate about reporting on developments that change the socio-economic struggles of people. I am also passionate about exposing corruption which seem to have become endemic and systematic in PNG. I worked for radio, television and newspaper before pursuing independent freelance journalism.

Latest posts by Elias Nanau (see all)

• Papua New Guinea in mourning from cities to rural villages - February 27, 2021
• Obituary: Grand Chief Sir Michael Somare - February 26, 2021
• Where will Sir Michael Somare be laid to rest? - February 26, 2021

Sip Jastis Sir Gibbs Salika i mekim strongpela tok igo long ol loya blong gavman long stretim ol kot pepa kwik taim tru.

Dispela long wanem ol memba bilong oposisen i bringim wanpela kot kes igo long bikpela Suprim Kot las wik na askim kot long tok aut sapos dispela sindaun bilong Palamen long las wik Tunde taim gavman i pasim baset em i bihainim lo o nogat.

Long dispela kot pepa tu, Oposisen i laikim kot long tok aut olsem taim Praim Minista James Marape na ol memba bilong gavman i muvim sindaun bilong Palamen igo long mun Epril long narapela yia em ino bihainim lo.

Ol i laikim kot i mas mekim ruling olsem Palamen i mas sindaun long Disemba 1.

Dispela i bihainim taim ol oposisen i gat 57 memba na ol i muvim long Palamen long Novemba 13 olsem Palamen i mas sindaun gen long Disemba 1.

Long dispela taim ol i laik rausim James Marape olsem Praim Minista.

Long nau yet ol oposisen memba, namba bilong ol olsem 56 na tupela moa em Powes Parkop and Justin Tkatchenko (58) i stap yet long Pot Mosbi.

Tok pait namel long gavman na oposisen i wok long go het na planti pipol nau i wetim kot long tok aut husait tru i mekim samting bihainim lo na husait i nogat.